പട്ടികജാതി, പട്ടികവർഗ സാമൂഹ്യ ഐക്യദാർഢ്യ പക്ഷാചരണം – 2024 ന്റെ ഭാഗമായി സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിക്കുന്നു. ഇന്ന് (നവംബർ – 6) രാവിലെ 10 മുതൽ ഒരു മണിവരെ ചിതറ ഗ്രാമപഞ്ചായത്തിലെ കൊച്ചരിപ്പ വനസംരക്ഷണ സമിതി ഓഫീസ് ഹാളിൽ നടക്കുന്ന ക്യാമ്പ് ചടയമംഗലം ബ്ലോക്ക് പഞ്ചായത്ത് പ്രസിഡന്റ് ലതിക വിദ്യാധരൻ ഉദ്ഘാടനം ചെയ്യും. ചിതറ ഗ്രാമ പഞ്ചായത്ത് പ്രസിഡന്റ് മടത്തറ അനിൽ അധ്യക്ഷത വഹിക്കും.
മെഡിക്കൻ ക്യാമ്പിനോടനുബന്ധിച്ച് ബോധവത്കരണ ക്ലാസ്സ്, രക്തപരിശോധന, യോഗ പരിശീലനം എന്നിവയും ഉണ്ടായിരിക്കും. സംസ്ഥാന ആയുഷ് വകുപ്പ്, പട്ടികജാതി, പട്ടികവർഗ, പിന്നാക്ക വികസന വകുപ്പുകൾ, ദേശീയ ആയുഷ് ദൗത്യം കേരളം, ചടയമംഗലം ബ്ലോക്ക് പഞ്ചായത്ത്, ചിതറ ആയുർവേദ ഡിസ്പെൻസറി എന്നിവയുടെ ആഭിമുഖ്യത്തിലാണ് ക്യാമ്പ് സംഘടിപ്പിക്കുന്നത്. തികച്ചും സൗജന്യമായി നടത്തപ്പെടുന്ന ഈ ക്യാമ്പിൽ എല്ലാവരും പങ്കെടുക്കണമെന്ന് മെഡിക്കൽ ഓഫിസർ അറിയിച്ചു.