എറണാകുളം സർക്കാർ മെഡിക്കൽ കോളജിൽ 750 കെ വി യുടെ പുതിയ ജനറേറ്റർ സ്ഥാപിച്ചു. അഞ്ചു മണിക്കൂർ എടുത്താണ് പുതിയ ജനറേറ്റർ സ്ഥാപിച്ചത്. ഡെപ്യൂട്ടി ചീഫ് എൻജിനീയർ സി പി ബോബൻ, ഡി വൈ സി ഇ, കെ എസ് ഇ ബി എക്സിക്യൂട്ടീവ് എഞ്ചിനീയർ ജോളി റോസ്, അസിസ്റ്റന്റ് എൻജിനീയർ കെ കെ ഗിരീഷ്, പി ഡബ്ലു ഡി എക്സിക്യൂട്ടീവ് എഞ്ചിനീയർ അജിത് കുമാർ, അസിസ്റ്റൻ്റ് എക്സിക്യൂട്ടീവ് എഞ്ചിനീയർ എം. കെ. പ്രകാശൻ, അസിസ്റ്റൻ്റ് എഞ്ചിനീയർ അനീഷ്കുമാർ, മെഡിക്കൽ കോളജ് പ്രോജക്ട് എ ഇ സുമിത്ത് എന്നിവരുടെ നേതൃത്വത്തിലാണ് പുതിയ ജനറേറ്റർ സ്ഥാപിച്ചത്.
മെഡിക്കൽ കോളജിൽ വൈദ്യുതി വിതരണത്തിൽ യാതൊരുവിധ തടസങ്ങളും ഇല്ലാതെയാണ് പുതിയ ജനറേറ്റർ മാറ്റി സ്ഥാപിച്ചത്. വൈദ്യുതി തടസപ്പെടുന്ന സാഹചര്യങ്ങളിൽ നിലവിലെ ജനറേറ്ററുകളിൽ എന്തെങ്കിലും തരത്തിലുള്ള തകരാറുകൾ സംഭവിച്ചാൽ ഐ സി യു, ഓപ്പറേഷൻ തീയേറ്ററുകൾ, ഡയാലിസ് യൂണിറ്റ് എന്നിവയുടെ പ്രവർത്തനം നിലയ്ക്കാതിരിക്കുന്നതിനു വേണ്ടിയാണ് പുതിയ ജനറേറ്റർ സ്ഥാപിച്ചതെന്ന് മെഡിക്കൽ സൂപ്രണ്ട് അറിയിച്ചു.