ഇടുക്കി ജില്ലാ മെഡിക്കൽ ഓഫിസറെ ആരോഗ്യ വകുപ്പ് സസ്പെൻ്റ് ചെയ്തു. കൈക്കൂലി വാങ്ങൽ അടക്കമുള്ള ഗുരുതര ആരോപണങ്ങൾ ഡി എം ഒയ്ക്കെതിരെ ഉയർന്ന സാഹചര്യത്തിലാണ് സർക്കാർ നടപടി. ഡോ. എൽ മനോജിനെയാണ് അന്വേഷണ വിധേയമായി സസ്പെൻ്റ് ചെയ്തത്.
ഡി എം ഒ ക്ക് എതിരേയുള്ള അന്വേഷണം പൂർത്തിയാക്കി 15 ദിവസത്തിനുള്ളിൽ റിപ്പോർട്ടു സമർപ്പിക്കാൻ ആരോഗ്യ വകുപ്പ് ഡയറക്ടർക്ക് നിർദേശം നൽകി. സസ്പെൻഷനിലായ ഡി എം ഒ ഡോ. എൽ മനോജിനു പകരം ഇടുക്കി ജില്ലാ മെഡിക്കൽ ഓഫിസിലെ ഡെപ്യൂട്ടി ഡി എം ഒ ആയ ഡോ. സുരേഷ് എസ് വർഗീസിന് അധിക ചുമതല നൽകിയിട്ടുണ്ട്.