സഹോദരൻ്റെ കസ്റ്റഡി മരണം അന്വേഷിക്കണം എന്നാവശ്യപ്പെട്ട് സെക്രട്ടേറിയറ്റ് പടിക്കൽ വർഷങ്ങളായി കുടിൽ കെട്ടി സമരം ചെയ്തിരുന്ന ശ്രീജിത്തിനെതിരെ വധശ്രമത്തിന് പൊലിസ് കേസെടുത്ത് അറസ്റ്റ് ചെയ്തു. സെക്രട്ടേറിയറ്റിനു മുന്നിലൂടെ നടന്നു പോയ ഒരു വഴിയാത്രക്കാരനെ ആക്രമിച്ച് പരിക്കേൽപ്പിച്ചതിനാണ് പൊലിസ് ശ്രീജിത്തിനെ അറസ്റ്റു ചെയ്തത്.
ശ്രീജിത്തിന്റെ ആക്രമണത്തിൽ വഴിയാത്രക്കാരൻ്റെ തലയ്ക്ക് ഗുരുതരമായി പരിക്കേറ്റിട്ടുണ്ട്. അറസ്റ്റു ചെയ്തതിനു പിന്നാലെ കോർപ്പറേഷൻ, ശ്രീജിത്തിൻ്റെ സമരപന്തൽ പൊളിച്ചു നീക്കി. മുൻപും വഴിയാത്രക്കാരെ അസഭ്യം പറഞ്ഞതിനും മുഖ്യമന്ത്രിയേയും മന്ത്രിമാരെയും സെക്രട്ടേറിയറ്റിനു മുന്നിൽ നിന്ന് അസഭ്യം പറഞ്ഞതിൻ്റെ പേരിലും ശ്രീജിത്തിനെതിരെ കേസെടുത്തിരുന്നു.