യു എ ഇയിലെ അബുദബിയില് നഴ്സിങ് ഒഴിവുകളിലേയ്ക്കുളള നോര്ക്ക റൂട്ട്സ് റിക്രൂട്ട്മെന്റിന് ഇപ്പോള് അപേക്ഷിക്കാം. മെയില് നഴ്സുമാരുടെ 10 ഒഴിവുകളിലേയ്ക്കും ( ഓൺഷോർ, ഓഫ്ഷോർ പ്രോജക്റ്റുകൾക്കായി ) വനിതാ നഴ്സുമാരുടെ രണ്ട് ഒഴിവുകളിലേയ്ക്കുമാണ് ( ഹോംകെയർക്കായി ) റിക്രൂട്ട്മെന്റ്.
നഴ്സിംഗ് ബിരുദവും സാധുവായ നഴ്സിംഗ് ലൈസൻസും ഉളളവരാകണം. H A A D / ഡിപ്പാർട്ട്മെന്റ് ഓഫ് ഹെൽത്ത് – അബു ദാബി (D O H) പരീക്ഷ വിജയിച്ചവരുമാകണം അപേക്ഷകര്. പ്രായപരിധി 35 വയസ്സ്.
പ്രഥമശുശ്രുഷ, അടിയന്തര സേവനങ്ങൾ അല്ലെങ്കിൽ ആംബുലൻസ് പ്രവർത്തനങ്ങളിൽ കുറഞ്ഞത് ഒന്നു മുതൽ രണ്ടു വർഷം വരെയുള്ള അനുഭവ പരിചയവും ആവശ്യമാണ്. ബേസിക് ലൈഫ് സപ്പോര്ട്ട് (B L S), അഡ്വാൻസ്ഡ് കാർഡിയക് ലൈഫ് സപ്പോർട്ട് (A C L S), പീഡിയാട്രിക് അഡ്വാൻസ്ഡ് ലൈഫ് സപ്പോർട്ട് (P A L S) എന്നിവയിൽ ഒന്നോ അതിലധികമോ ട്രോപിക്കൽ ബേസിക് ഓഫ്ഷോർ സേഫ്റ്റി ഇൻഡക്ഷൻ & എമർജൻസി ട്രെയിനിംഗ് (T B O S I E T) എന്നിവയില് അനുഭവപരിചയവും അഭികാമ്യമാണ്. ഇലക്ട്രോണിക് ആരോഗ്യ രേഖകൾ (E H R) കൈകാര്യം ചെയ്തും പരിചയമുളളവരാകണം അപേക്ഷകർ.
വിദ്യാഭ്യാസയോഗ്യതയും അനുഭവപരിചയവും കണക്കിലെടുത്ത് 4,500 – 5,500 Dhs വരെ ശമ്പളവും സൗജന്യ ഭക്ഷണവും താമസവും ലഭിക്കും. വിശദമായ ബയോഡേറ്റയും വിദ്യാഭ്യാസം, പ്രവര്ത്തിപരിചയം, പാസ്സ്പോര്ട്ട് എന്നിവയുടെ പകര്പ്പുകളും സഹിതം rmt3.norka@kerala.gov.in എന്ന ഇ-മെയില് ഐ ഡിയിലേയ്ക്ക് ഒക്ടോബര് 9 നകം അപേക്ഷ നല്കണം.
കൂടുതല് വിവരങ്ങള്ക്ക് 0471- 2770536, 539, 540, 577 എന്നീ നമ്പറുകളിലോ ( ഓഫീസ് സമയത്ത്, പ്രവൃത്തിദിനങ്ങളില് ) 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91- 8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.