ഓണത്തോടനുബന്ധിച്ചും കന്നിമാസ പൂജകൾക്കുമായി ഈ മാസം 13 ന് വൈകുന്നേരം അഞ്ചു മണിക്ക് ശബരിമല നടതുറക്കുന്നതും 21 ന് രാത്രി 10.00 മണിക്ക് നട അടയ്ക്കുന്നതിനും അനുസരിച്ച് കെ എസ് ആർ ടി സി സർവീസുകൾ ഷെഡ്യൂൾ ചെയ്തു.
തീർത്ഥാടകരുടെ സൗകര്യാർത്ഥം പമ്പയിലേക്ക് ഒരാഴ്ച മുൻപ് സീറ്റ് ബുക്ക് ചെയ്യാനുള്ള സൗകര്യങ്ങളും ഒരുക്കിയിട്ടുണ്ട്.
തിരുവനന്തപുരം, പത്തനംതിട്ട, കൊട്ടാരക്കര, പുനലൂർ, ചെങ്ങന്നൂർ എന്നിവിടങ്ങളിൽ നിന്ന് പമ്പയിലേയ്ക്ക് സർവീസുകൾ ഉണ്ടായിരിക്കും.
നിലയ്ക്കൽ – പമ്പ ചെയിൻ സർവ്വീസുകളും ക്രമീകരിച്ചിട്ടുണ്ട്. തിരുവനന്തപുരം സെൻട്രൽ ഡിപ്പോയിൽ നിന്ന് യാത്രക്കാരുടെ തിരക്കനുസരിച്ച് സ്പെഷ്യൽ ബസുകളും മുൻകൂട്ടി ബുക്കിങ്ങ് സൗകര്യവും ഏർപ്പെടുത്തിയിട്ടുണ്ട്.
കൂടുതൽ തിരക്കനുഭവപ്പെടുന്ന സാഹചര്യത്തിൽ തൊട്ടടുത്ത യൂണിറ്റുകളിൽ നിന്നും സർവ്വീസുകൾ ക്രമീകരിക്കുവാനുമുള്ള സംവിധാനവും ഒരുക്കിയിട്ടുണ്ട്.
ടിക്കറ്റുകൾ ഓൺലൈനായി ബുക്കു ചെയ്യുവാനുള്ള സൗകര്യവുമുണ്ട്.
www.onlineksrtcswift.com എന്ന ഓൺലൈൻ വെബ്സൈറ്റുവഴിയും
ente ksrtc neo oprs എന്ന മൊബൈൽ ആപ്പുവഴിയും ടിക്കറ്റുകൾ ബുക്ക് ചെയ്യാവുന്നതാണ്
കൂടുതൽ വിവരങ്ങൾക്ക്
കെ എസ് ആർ ടി സി
പമ്പ: 0473 – 5203445
തിരുവനന്തപുരം:0471- 2323979
കൊട്ടാരക്കര:0474 – 2452812
പത്തനംതിട്ട:0468 – 2222366