ഐ എം എ മുൻ സംസ്ഥാന പ്രസിഡന്റും ദേശീയ വൈസ് പ്രസിഡന്റുമായിരുന്ന പ്രമുഖ സർജൻ പേട്ട പള്ളിമുക്ക് കേരളകൗമുദി – റെയിൽവേ സ്റ്റേഷൻ റോഡ് ഗൗതമയിൽ ഡോ: കെ ജയറാം നിര്യാതനായി. 80 വയസായിരുന്നു അദ്ദേഹത്തിന്.
പരേതരായ ഡോ: കെ എം കേശവന്റെയും ഗോമതിയമ്മയുടെയും മകനാണ്. മൃതദേഹം ഇന്ന് ഉച്ചയ്ക്ക് 12.30 മുതൽ 1.30 വരെ ആനയറ ഐ എം എ ആസ്ഥാനത്ത് പൊതുദർശനത്തിനു വച്ച ശേഷം 2.30 ന് ശാന്തികവാടത്തിൽ. സംസ്കരിക്കും. ഡോ: ജയറാം 1991ൽ കെ ജി എം ഒ എ സംസ്ഥാന പ്രസിഡന്റ്, 1996ൽ ഐ എം എ സംസ്ഥാനപ്രസിഡന്റ്, 2008ൽ ഐ എം എ ദേശീയ വൈസ് പ്രസിഡന്റ് എന്നീ പദവികളിലെത്തി.
കൽക്കട്ട മെഡിക്കൽ കോളജിൽ നിന്നും 1967ൽ പഠനം പൂർത്തിയാക്കിയ ഡോ ജയറാം തുടർന്ന് ആരോഗ്യവകുപ്പിൽ ജോലിയിൽ പ്രവേശിച്ചു. 1999 ൽ ഡെപ്യൂട്ടി ഡയറക്ടറായാണ് വിരമിച്ചത്. ഭാര്യ : പ്രൊഫ ജയകുമാരി വി എസ് (റിട്ട പ്രൊഫ ഇക്കണോമിക്‌സ് വിഭാഗം ഗവ: വിമൻസ് കോളേജ് വഴുതയ്ക്കാട്) മക്കൾ: ഡോ സൂര്യ ജയറാം (ഗൈനക്കോളജിസ്റ്റ് മെഡിക്കൽ ട്രസ്റ്റ് ഹോസ്പിറ്റൽ കൊച്ചി), ഡോ: ശബരി ജയറാം( ഇന്റൻസിവിസ്റ്റ് എസ് പി മെഡിഫോർട്ട് ). മരുമക്കൾ : ഡോ : ജസിൻ ജയശങ്കർ (കാർഡിയാക് അനസ്തറ്റിസ്റ്റ് അമൃത ഹോസ്പിറ്റൽ ), ഡോ: റെനി ഫിലിപ്പ്(ഗ്ലോക്കോമ സർജൻ, പ്രിസൈസ് ഹോസ്പിറ്റൽ).