*സെപ്റ്റംബര്‍ 2 ന് പ്രവേശനോത്സവം
ചൂരല്‍മല, മുണ്ടക്കൈ ഉരുള്‍പെട്ടലിനെ തുടര്‍ന്ന് ദുരിതാശ്വാസ ക്യാമ്പായി പ്രവര്‍ത്തിച്ചിരുന്ന മേപ്പാടി ഹയര്‍ സെക്കന്ററി സ്‌കൂളില്‍ ഓഗസ്റ്റ് 27 മുതല്‍ അധ്യയനം തുടങ്ങും. ജി എല്‍ പിഎസ് മേപ്പാടി, ജി എച്ച് എസ് എസ് മേപ്പാടി എന്നിവയാണ് 27 ന് പ്രവര്‍ത്തനമാരംഭിക്കുന്നത്.
ജി വി എച്ച് എസ് വെള്ളാർമല സ്കൂളിലെ കുട്ടികളുടെ പഠനം ജി എച്ച് എസ് എസ് മേപ്പാടിയിലും മുണ്ടക്കൈ ജി എൽ പി എസിലെ കുട്ടികളുടെ പഠനം മേപ്പാടി എ പി ജെ ഹാളിലും ആരംഭിക്കുന്ന സെപ്റ്റംബർ 2 ന് പ്രവേശനോൽസവവും നടത്തും.
ഉരുള്‍പൊട്ടിയ ജൂലൈ 30 മുതല്‍ നൂറു കണക്കിന് കുടുംബങ്ങളെ താമസിപ്പിച്ചിരുന്നത് മേപ്പാടി സ്കൂളിലായിരുന്നു. താല്‍കാലിക പുനരധിവാസത്തിന്റെ ഭാഗമായി മുഴുവന്‍ കുടുംബങ്ങളേയും മാറ്റി പാര്‍ച്ചിച്ചതിനെത്തുടര്‍ന്നാണ് സ്‌കൂളുകളില് പഠനം പുനരാരംഭിക്കുന്നത്.