മോട്ടോർ സൈക്കിൾ ഒഴികെയുള്ള ഡ്രൈവിംഗ് സ്കൂൾ വാഹനങ്ങൾക്ക് സംസ്ഥാന ട്രാൻസ്പോർട്ട് അതോറിറ്റി (STA) യൂണിഫോം കളർ കോഡ് നടപ്പിലാക്കാൻ തീരുമാനിച്ചു. ആംബർ മഞ്ഞ (Amber Yellow ) കളറാണ് ഇതിനായി തീരുമാനിച്ചിരിക്കുന്നത്. വാഹനത്തിൻ്റെ മുൻപിലും പിറകിലും ( ബംപർ ഉൾപ്പെടെ ), മുൻപിലെ ബോണറ്റിനും പിറകിലെ ഡിക്കി ഡോറിനും ഈ നിറം ഉണ്ടായിരിക്കണം.
ഡ്രൈവിംഗ് പരിശീലനം നൽകുന്ന വാഹനങ്ങൾ തിരക്കേറിയ നിരത്തിൽ വേഗത്തിൽ തിരിച്ചറിയാനും, വാഹനത്തിൽ പരിചയ കുറവുള്ള ഡ്രൈവർ പരിശീലാനാർത്ഥി ആയതിനാൽ പ്രത്യേക പരിഗണന ലഭിക്കാനും ഈ പ്രത്യേക നിറം സഹായിക്കും എന്നാണ് വിലയിരുത്തൽ. ഒക്ടോബർ ഒന്നു മുതൽ തീരുമാനം നടപ്പിലാക്കാനാണ് നിർദ്ദേശം നൽകിയിരിക്കുന്നത്.