സംസ്ഥാന സഹകരണ യൂണിയനിൽ താൽക്കാലിക ഒഴിവിലേക്ക് നിയമനം നടത്തുന്നു. സഹകരണ വിദ്യാഭാസ ഇൻസ്ട്രക്ടർ ഗ്രേഡ് III, എൽ ഡി ക്ലാർക്ക് എന്നീ തസ്തികകളിലാണ് ഒഴിവുള്ളത് .
സഹകരണ വിദ്യാഭാസ ഇൻസ്ട്രക്ടർ ഗ്രേഡ് III യോഗ്യത : ഏതെങ്കിലും വിഷയത്തിൽ ബിരുദവും എച്ച് ഡി സി & ബി എം ഉം. താൽക്കാലിക ഒഴിവുകളുടെ എണ്ണം – 3
എൽ ഡി ക്ലാർക്ക് തസ്തികയുടെ യോഗ്യത: ഏതെങ്കിലും വിഷയത്തിൽ ബിരുദവും ജെ ഡി സി / എച്ച് ഡി സി / എച്ച് ഡി സി & ബി എം അല്ലെങ്കിൽ ബി -കോം കോ ഓപ്പറേഷൻ അല്ലെങ്കിൽ ബി എസ് സി ബാങ്കിങ് & കോ ഓപ്പറേഷൻ ബിരുദം. ഒഴിവുകളുടെ എണ്ണം – 4 .
എഴുത്തു പരീക്ഷയുടെയും കൂടിക്കാഴ്ചയുടെയും അടിസ്ഥാനത്തിലായിരിക്കും നിയമനം. 2024 ജനുവരി ഒന്നിനു 18 നും 40 നും ഇടയിൽ പ്രായമുള്ളവർക്ക് അപേക്ഷിക്കാം. എസ് സി / എസ് ടി വിഭാഗക്കാർക്ക് അഞ്ചു വർഷവും ഒ ബി സി വിഭാഗക്കാർക്ക് മൂന്നു വർഷവും ഇളവ് ലഭിക്കും .
യോഗ്യരായവർ അസ്സൽ സർട്ടിഫിക്കറ്റുകളും സ്വയം സാക്ഷ്യപ്പെടുത്തിയ പകർപ്പും ഫോട്ടോ പതിച്ച ബയോഡേറ്റയുമായി ഓഗസ്റ്റ് 23 ന് രാവിലെ 8 ന് തിരുവനന്തപുരം ഊറ്റുകുഴി സംസ്ഥാന സഹകരണ യൂണിയൻ ഹെഡ്ഓഫീസിൽ എത്തിച്ചേരേണ്ടതാണ് .രജിസ്ട്രേഷൻ രാവിലെ 10 മണി വരെ. കൂടുതലറിയാൻ – 0471 – 2320430