എ ഡി ജി പി യോഗേഷ് ഗുപ്തയാണ് പുതിയ വിജിലൻസ് മേധാവി. ഗതാഗത കമ്മിണറായ എ ഡി ജി പി എസ് ശ്രീജിത് ഇനി പൊലിസ് ആസ്ഥാനത്ത്. പകരം ഗതാഗത കമ്മിഷണറായി ഇൻസ്പെക്ടർ ജനറലായ എ അക്ബർ എത്തും. ബിവറേജസ് കോർപ്പറേഷൻ്റെ തലപ്പത്ത് ആദ്യമായി ഒരുവനിയ ഉദ്യോഗസ്ഥ എത്തുന്നു എന്നതും പ്രത്യേകതയാണ്. ഹർഷിത അട്ടല്ലൂരിയാണ് ബെവ്കോയുടെ പുതിയ എം ഡി.
തിരുവനന്തപുരം റെയ്ഞ്ച് ഡി ഐ ജി യായി മുൻ സിറ്റി പൊലിസ് കമ്മിഷണറായിരുന്ന അജിതാ ബീഗം എത്തും. സി എച് നാഗരാജുവാണ് പുതിയ ക്രൈംബ്രാഞ്ച് ഇൻസ്പെക്ടർ ജനറൽ. കണ്ണൂർ റെയ്ഞ്ച് ഡി ഐ ജി യായ തോംസൺ ജോസിനെ സമാന തസ്തികയിൽ തൃശൂരിൻ്റെ ചാർജു കൂടി നൽകി.
പൊലിസ് കൺസ്ട്രക്ഷൻ കോർപ്പറേഷൻ മാനേജിംഗ് ഡയറക്ടറായി ഡി ഐ ജി ജയനാഥനെയും നിയമിച്ചിട്ടുണ്ട്.