ഇന്ത്യയുടെ ശ്രീലങ്കന് പര്യടനത്തിനുള്ള ഏകദിന, ടി20 ടീമുകളെ ബി.സി.സി.ഐ. പ്രഖ്യാപിച്ചു. ടി20-യില് സൂര്യകുമാര് യാദവാണ് ക്യാപ്റ്റന്. ഏകദിനത്തില് രോഹിത് ശര്മതന്നെ നയിക്കും. സഞ്ജു സാംസണ് ടി20 പരമ്പരയില് ഉള്പ്പെട്ടു. വിരാട് കോലി, കെ.എല്. രാഹുല്, ശ്രേയസ് അയ്യര് എന്നിവര് ഏകദിനത്തിലുണ്ട്. റിയാന് പരാഗ് ഏകദിനത്തിലും ടി20യിലും ഉള്പ്പെട്ടപ്പോള് ഹാര്ദിക് പാണ്ഡ്യക്ക് പകരമായാണ് സൂര്യകുമാര് യാദവിനെ ക്യാപ്റ്റനായി നിശ്ചയിച്ചത്. രോഹിത് ക്യാപ്റ്റനായിരുന്നപ്പോള് ഹാര്ദിക്കായിരുന്നു വൈസ് ക്യാപ്റ്റന്. രോഹിത് ഇല്ലാതിരുന്ന സമയങ്ങളിലും ഹാര്ദിക് തന്നെയായിരുന്നു ടീമിനെ നയിച്ചത്രോ എന്നാൽ ഹിത് ശര്മ വിരമിച്ചതോടെ സൂര്യകുമാറിനെ ക്യാപ്റ്റനായി തിരഞ്ഞെടുക്കുകയായിരുന്നു.
സൂര്യകുമാര് മുന്പ് ഏഴ് ടി20 മത്സരങ്ങളില് ഇന്ത്യയെ നയിച്ചിട്ടുണ്ട്. അവയില് അഞ്ചിലും ഇന്ത്യ വിജയിക്കുകയും വ്യക്തിഗത സ്കോര് 300 റണ്സ് നേടുകയും ചെയ്തു. ഒരു സെഞ്ചുറിയും രണ്ട് അര്ധ സെഞ്ചുറിയും ഉള്പ്പെടെയാണിത്. ക്യാപ്റ്റനായിരുന്നപ്പോഴും മികച്ച പ്രകടനം പുറത്തെടുത്തതിന്റെ കൂടെ അടിസ്ഥാനത്തിലാണ് സൂര്യകുമാറിനെ ക്യാപ്റ്റന്സിയിലേക്ക് തിരഞ്ഞെടുത്തത്.
ടി20 ടീം
സൂര്യകുമാര് യാദവ് (ക്യാപ്റ്റന്), ശുഭ്മാന് ഗില് (വൈസ് ക്യാപ്റ്റന്), യശസ്വി ജയ്സ്വാള്, റിങ്കു സിങ്, റിയാന് പരാഗ്, ഋഷഭ് പന്ത് (വിക്കറ്റ് കീപ്പര്), സഞ്ജു സാംസണ് (വിക്കറ്റ് കീപ്പര്), ഹാര്ദിക് പാണ്ഡ്യ, ശിവം ദുബെ, അക്ഷര് പട്ടേല്, വാഷിങ്ടണ് സുന്ദര്, രവി ബിഷ്ണോയ്, അര്ഷ്ദീപ് സിങ്, ഖലീല് അഹ്മദ്, മുഹമ്മദ് സിറാജ്.
ഏകദിന ടീം
രോഹിത് ശര്മ (ക്യാപ്റ്റന്), ശുഭ്മാന് ഗില് (വൈസ് ക്യാപ്റ്റന്), വിരാട് കോലി, കെ.എല്. രാഹുല് (വിക്കറ്റ് കീപ്പര്), ഋഷഭ് പന്ത് (വിക്കറ്റ് കീപ്പര്), ശ്രേയസ് അയ്യര്, ശിവം ദുബെ, കുല്ദീപ് യാദവ്, മുഹമ്മദ് സിറാജ്, വാഷിങ്ടണ് സുന്ദര്, അര്ഷ്ദീപ് സിങ്, റിയാന് പരാഗ്, അക്ഷര് പട്ടേല്, ഖലീല് അഹ്മദ്, ഹര്ഷിത് റാണ.