സംസ്ഥാനത്ത് ഈ മാസം 16 വരെ ഒറ്റപ്പെട്ട സ്ഥലങ്ങളിൽ അതിശക്തമായ മഴ സാധ്യതെയെന്ന് കേന്ദ്ര കാലാവസ്ഥാ വകുപ്പ്. അറബി കടലിലെ ന്യൂന മർദ പാത്തിയുടെ ഭാഗമായാണ് മഴ സാധ്യത പ്രവചിക്കുന്നത്. മത്സ്യ ബന്ധനത്തിന് പ്രവചന ദിവസം വരെയും വിലക്കുമുണ്ട്.
ഇന്നും (ജൂലൈ-13) കേരളത്തിൽ ശക്തമായ മഴ പ്രവചനമുണ്ട്. കാസർഗോഡ്, കോഴിക്കോട്, കണ്ണൂർ ജില്ലകളിൽ ഓറഞ്ച് അലെർട്ടാണ്. വയനാട്, മലപ്പുറം തൃശൂർ, എറണാകുളം ജില്ലകളിൽ മഞ്ഞ അലെർട്ടുമാണ്. ഒറ്റപ്പെട്ട മേഖലകളിൽ ശക്തമായ കാറ്റിനു സാധ്യതയുള്ളതിനാൽ മലയോര മേഖലയിൽ താമസിയ്ക്കുന്നവർ ജാഗ്രത പാലിയ്ക്കണമെന്നും അറിയിപ്പിലുണ്ട്.