രാജ്യത്തിന്റെ 30ാമത് സൈനിക മേധാവിയായി ലഫ്റ്റണന്റ് ജനറൽ ഉപേന്ദ്ര ദ്വിവേദിയെ നിയമിച്ചു. നിലവിലെ മേധാവി മനോജ് പാണ്ഡെയുടെ കാലാവധി ജൂൺ 30ന് അവസാനിക്കും. അന്ന് തന്നെ പുതിയ കരസേനാ മേധാവി ചുമതലയേൽക്കും.
നിലവിൽ കരസേനാ ഉപമേധാവിയാണ് ലഫ്റ്റണന്റ് ജനറൽ ഉപേന്ദ്ര ദ്വിവേദി. 1984ൽ ദ്വിവേദി സേനയിൽ ചേർന്നത്. ചൈനാ അതിർത്തിയിൽ ദീർഘകാലം സേവനമനുഷ്ഠിച്ചിട്ടുണ്ട്. ഉധംപുർ ആസ്ഥാനമായ വടക്കൻ കമാൻഡിന്റെ മേധാവിയായും സേവനമനുഷ്ഠിച്ചു. നാഷണൽ ഡിഫൻസ് കോളജിലും യുഎസ് വാർ കോളജിലുമുൾപ്പെടെ ഉന്നത വിദ്യാഭ്യാസം നേടിയിട്ടുണ്ട്.