2,261 കോടി രൂപ സ്വന്തം ബാങ്ക് അക്കൗണ്ടിൽ വന്നു കയറിയത് എവിടെ നിന്നെന്നറിയാതെ പ്രവാസി മലയാളി. രണ്ടു മാസം മുമ്പാണ് തൊടുപുഴ സ്വദേശി ദുബായിൽ ജോലി ചെയ്യുന്ന സാജു ഹമീദിൻ്റെ ദുബായിലെ ബാങ്ക് അക്കൗണ്ടിൽ ഏകദേശം 100 കോടി യു എ ഇ ദിർഹം നിക്ഷേപിച്ചതായി കാണുന്നത്. അബദ്ധത്തിൽ വന്ന പണം ബാങ്കു തന്നെ തിരിച്ചെടുക്കുമെന്ന് കരുതിയെങ്കിലും അതുണ്ടായില്ല.
ഇതു സംബന്ധിച്ച് പലരോടും ചോദിച്ചപ്പോൾ ബാങ്കിൻ്റെ പിഴവാണെന്നും അവർ തന്നെ പണം തിരികെ എടുക്കുമെന്നുമാണ് അറിഞ്ഞതെന്ന് സാജു പറയുന്നു. ഒരു മാസമായി സാജു നാട്ടിലാണ്. തിരികെ യു എ ഇയിൽ എത്തി ബാങ്കിൽ നേരിട്ട് വിവരം പറയാമെന്നാണ് ഇപ്പോൾ സാജുവിൻ്റെ തീരുമാനം.