കള്ളക്കടൽ- ജാഗ്രതാ നിർദേശം ഉണ്ട്

മത്സ്യത്തൊഴിലാളികൾക്കും തീരദേശവാസികൾക്കും കേന്ദ്ര കാലാവസ്ഥാ നിരീക്ഷണ കേന്ദ്രത്തിൻ്റെ കള്ളക്കടൽ മുന്നറിയിപ്പ് . കള്ളക്കടൽ പ്രതിഭാസത്തിൻ്റെ ഭാഗമായി കടലാക്രമണത്തിനും ഉയർന്ന തിരമാലയ്ക്കും സാധ്യതയുള്ളതിനാൽ ജാഗ്രത വേണമെന്നാണ് മുന്നറിയിപ്പ്.കേരള തീരങ്ങൾ കൂടാതെ തെക്കൻ – വടക്കൻ തമിഴ് നാടിൻ്റെ തീര പ്രദേശങ്ങളിലും ഉയർന്ന തിരമാല ഉണ്ടാകും . കടലിൽ ഇറങ്ങിയുള്ള വിനോദം , ബീച്ചുകളിലേക്കുള്ള യാത്ര എന്നിവ പൂർണമായും ഒഴിവാക്കണമെന്നും മുന്നറിയിപ്പിൽ പറയുന്നു.