സഹോദരിക്കു വിവാഹ സമ്മാനം നൽകിയ യുവാവിനെ ഭാര്യയും ഭാര്യാസഹോദരൻമാരും ചേർന്ന് ഇഷ്ടികയും വടിയും കൊണ്ട് തല്ലിക്കൊന്നു . ഉത്തർ പ്രദേശ് സ്വദേശിയായ ചന്ദ്ര പ്രകാശിനാണ് (34) ഇത്തരത്തിൽ ദാരുണാന്ത്യം ഉണ്ടായത് . സ്വന്തം കൂടപ്പിറപ്പിന് ഒരു മോതിരവും ടെലിവിഷനും വിവാഹ സമ്മാനമായി നൽകിയതാണ് ചന്ദ്രപ്രകാശിൻ്റെ ഭാര്യയേയും അവരുടെ സഹോദരൻമാരെയും പ്രകോപിപ്പിച്ചത് . സമ്മാനം നൽകേണ്ടതില്ലന്ന് നേരത്തേ ഭാര്യ പ്രകാശിനോട് പറഞ്ഞിരുന്നു . അയാൾ അത് ചെവിക്കൊണ്ടില്ല . പിന്നാലെ സഹോദരൻമാരെ വീട്ടിൽ വിളിച്ചു വരുത്തി എല്ലാവരും ചേർന്ന് ചന്ദ്ര പ്രകാശിനെ അടിച്ചു കൊല്ലുകയായിരുന്നു.
അവശനായി കിടന്ന ചന്ദ്ര പ്രകാശിനെ അയാളുടെ ബന്ധുക്കൾ ആശുപത്രിയിൽ എത്തിച്ചുവെങ്കിലും അപ്പോഴേക്കും ജീവഹാനി സംഭവിച്ചിരുന്നു.