കൊച്ചി വാട്ടർ മെട്രോക്ക് ഒരു വയസ്.

20 ലക്ഷത്തോളം യാത്രക്കാരുമായി ഒന്നാം വാർഷികത്തിന്റെ നിറവിൽ കൊച്ചിയുടെ സ്വന്തം വാട്ടർ മെട്രോ. രണ്ട് റൂട്ടുകളിൽ ഒമ്പത് ബോട്ടുകളുമായാണ് വാട്ടർ മെട്രോ യാത്ര ആരംഭിച്ചത്. ഇപ്പോൾ അഞ്ച് റൂട്ടുകളിലായി 14 ബോട്ടുകൾ
സർവീസ് നടത്തുന്നു. കഴിഞ്ഞ ദിവസമാണ് ഫോർട്ട് കൊച്ചിയിലേക്കുള്ള പുതിയ സർവീസ് ആരംഭിച്ചത്. 19. 72 ലക്ഷത്തിലധികം ആളുകളാണ് ഇതുവരെ വാട്ടർ മെട്രോയിൽ യാത്ര ചെയ്‌തത്. 20 രൂപ മുതൽ 40 രൂപ വരെയാണ് യാത്രാ നിരക്ക്. ചുരുങ്ങിയ കാലയളവിൽ കൊച്ചിയുടെയും കൊച്ചി കാണാൻ എത്തുന്ന സഞ്ചാരികളുടെയും ഹൃദയം കവർന്നിരിക്കുകയാണ് വാട്ടർ മെട്രോ .