രാജസ്ഥാൻ റോയൽസ് ടീമിൻ്റെ ക്യാപ്റ്റൻ സഞ്ജു സാംസണ് 12 ലക്ഷം രൂപ പിഴ ചുമത്തി ഐ പി എൽ. കുറഞ്ഞ ഓവർ നിരക്കിൻ്റെ പേരിലാണ് പിഴ വിധിച്ചത്. ഇതിനു പുറമേ ഗുജറാത്ത് ടൈറ്റൻസുമായുള്ള ഈ മത്സരത്തിൽ രാജസ്ഥാൻ റോയൽസ് പരാജയപ്പെടുകയും ചെയ്തു . നിശ്ചിത സമയത്ത് രാജസ്ഥാൻ ഒരു ഓവർ കുറച്ചാണ് ബൗൾ ചെയ്തിരുന്നത് . കൃത്യ സമയത്തിനു മുമ്പായി അവസാന ഓവർ എറിഞ്ഞു തുടങ്ങിയിരുന്നങ്കിലും പിഴയിൽ നിന്ന് ഒഴിവായേനെ . ആദ്യ തവണയായതു കൊണ്ടു മാത്രമാണ് പിഴ 12 ലക്ഷത്തിൽ ഒതുക്കിയതെന്ന് ഐ പി എൽ അധികൃതർ പറഞ്ഞു.
കളി തോറ്റെങ്കിലും സഞ്ജുവും റിയാൻ പരാഗും ചേർന്ന് മികച്ച അടിത്തറ രാജസ്ഥാൻ റോയൽസിന് ഉണ്ടാക്കിയിരുന്നു . 48 പന്തിൽ 76 റൺസ് പരാഗ് നേടിയപ്പോൾ 38 പന്തിൽ 68 റൺസുമായി സഞ്ജു പുറത്താകാതെ നിന്നു.