എഴുത്തുകാരന് ഉണ്ണിക്കൃഷ്ണൻ പുതൂരിൻ്റെ 10-ാം ചരമവാർഷികമാണിന്ന്
സാഹിത്യകാരനും രാഷ്ട്രീയ പ്രവര്ത്തകനും തൊഴിലാളി നേതാവുമായിരുന്നു ഉണ്ണികൃഷ്ണൻ പുതൂർ. ഗുരുവായൂര് ദേവസ്വം ഭരണസമിതി അംഗം , കേരള സാഹിത്യ അക്കാദമി ജനറല് കൗണ്സില് അംഗം , നിര്വാഹകസമിതി അംഗം , സംഗീത നാടക അക്കാദമി ജനറല് കൗണ്സില് അംഗം , സാഹിത്യ പ്രവര്ത്തക സഹകരണ സംഘം ഡയറക്ടര് ബോര്ഡ് അംഗം , പ്രസിഡന്റ്, ഭക്തപ്രിയ മാസികയുടെ സ്ഥാപക പത്രാധിപസമിതി അംഗം എന്നീ നിലകളിലും പ്രവര്ത്തിച്ചിട്ടുണ്ട്.
എഴുന്നൂറോളം കഥകള് എഴുതി . ആദ്യ കഥാസമാഹാരം കരയുന്ന കാല്പാടുകള് . 29 കഥാസമാഹാരങ്ങള് ,15 നോവലുകള് , ഒരു കവിതാ സമാഹാരം , ജീവചരിത്രം അനുസ്മരണങ്ങള് തുടങ്ങി അന്പതോളം കൃതികള് പ്രസിദ്ധീകരിച്ചു.
ഇംഗ്ലീഷിലും തമിഴിലും പരിഭാഷപ്പെടുത്തിയ
ബലിക്കല്ല് , കംസൻ , കാഴ്ചകൾക്കപ്പുറം , മൃത്യുയാത്ര , ഗുരുവായൂരപ്പന്റെ തുളസിമാല , ആത്മവിഭൂതി , നാഴികമണി , ഗജരാജൻ ഗുരുവായൂർ കേശവൻ , അമൃതമഥനം , ആനപ്പക , മനസ്സേ ശാന്തമാകൂ , മറക്കാനും പൊറുക്കാനും , ധർമചക്രം ,
ഗുരുവായൂരപ്പന്റെ കുന്നിക്കുരുമാല , ജലസമാധി , ആട്ടുകട്ടിൽ , പാവക്കിനാവ് , വേദനകളും സ്വപ്നങ്ങളും , നിദ്രാവിഹീനങ്ങളായ രാവുകൾ , ഡൈലൻ തോമസിന്റെ ഗാനം , സുന്ദരി ചെറ്യേമ്മ , നക്ഷത്രക്കുഞ്ഞ് , ഗോപുരവെളിച്ചം , മകന്റെ ഭാഗ്യം , എന്റെ 101 കഥകൾ തുടങ്ങിയവയാണ് പ്രധാന കൃതികള് . കേരള സാഹിത്യ അക്കാദമി അവാര്ഡ് (ബലിക്കല്ല്) , ജി സ്മാരക അവാര്ഡ് (നാഴികമണി) , പത്മപ്രഭാ പുരസ്കാരം (എന്റെ 101 കഥകള്) എന്നിവ ലഭിച്ചിട്ടുണ്ട് .
1933 ജൂലൈ 20 -ന് പൊന്നാനി താലൂക്കിലെ ഏങ്ങണ്ടിയൂർ ഗ്രാമത്തിൽ (ഇപ്പോൾ തൃശ്ശൂർ ജില്ല) ‘ഇല്ലത്ത് അകായിൽ’ എന്ന് സ്ഥാനപ്പേരുള്ള പുതൂർ തറവാട്ടിൽ ജനിച്ചു . ഗുരുവായൂരിലാണ് വളർന്നത് . അച്ഛൻ കല്ലാത്ത് പുള്ളിപ്പറമ്പിൽ ശങ്കുണ്ണിനായർ . അമ്മ പുതൂർ ജാനകിയമ്മ . 1955-ൽ ചാവക്കാട് ബോർഡ് ഹൈസ്കൂളിൽ നിന്ന് എസ് എസ് എൽ സി ജയിച്ചു . 1950-കളിൽ തന്നെ കവിതകളും കഥയും എഴുതിത്തുടങ്ങി . കവിതയിലായിരുന്നു തുടക്കം . ‘കൽപ്പകപ്പൂമഴ’ എന്ന കവിതാസമാഹാരത്തിന് അവതാരിക കുറിച്ചത് വൈലോപ്പിള്ളിയായിരുന്നു . പുതൂരിന്റെ പ്രസിദ്ധീകൃതമായ ആദ്യത്തെ കഥ ചങ്ങമ്പുഴയുടെ മരണം പ്രമേയമാക്കിയ ‘മായാത്ത സ്വപ്ന’മായിരുന്നു . ആദ്യത്തെ കഥാസമാഹാരമായ ‘കരയുന്ന കാല്പാടുകൾ’ എന്ന കൃതിയുമായി കേരളത്തിനുള്ളിലും വെളിയിലുമായി ഒരുവർഷത്തോളം അലഞ്ഞുനടന്നു . 1954 മുതൽ 1956 വരെ പാലക്കാട് വിക്ടോറിയ കോളേജിൽ പഠിച്ചെങ്കിലും ബിരുദം എടുക്കാതെ രാഷ്ട്രീയ പ്രവർത്തകനായും (സോഷ്യലിസ്റ്റ്) തൊഴിലാളി പ്രവർത്തകനായും കഴിഞ്ഞു .
1957-ൽ ഗുരുവായൂർ ദേവസ്വത്തിൽ ഗുമസ്തനായി ജോലിയിൽ പ്രവേശിച്ചു . 1987-ൽ ഗുരുവായൂർ ദേവസ്വം ലൈബ്രറി എസ്റ്റാബ്ലിഷ്മെൻ്റ് വകുപ്പു മേധാവിയായി വിരമിച്ചു . 2014 ഏപ്രിൽ 2-ന് അന്തരിച്ചു.