മാസങ്ങള്‍ നീണ്ട തിയറ്റര്‍ ഓട്ടത്തിന് ശേഷം പ്രേമലു ഒടിടിയിലേക്ക്. വിഷു വാരാന്ത്യത്തോടനുബന്ധിച്ച് ഏപ്രില്‍ 12-ന് ഡിസ്‌നി+ ഹോട്ട്സ്റ്റാറില്‍ സിനിമ റിലീസ് ചെയ്യും.മലയാള സിനിമയില്‍ ഏറ്റവും കൂടുതല്‍ കളക്ഷന്‍ നേടിയ ചിത്രങ്ങളിലൊന്നാണ് പ്രേമലു.
മലയാളം, തമിഴ്, തെലുങ്ക് എന്നിങ്ങനെ ഒന്നിലധികം ഭാഷകളില്‍ ബ്ലോക്ക്ബസ്റ്റര്‍ ഹിറ്റായ ഗിരീഷ് എ ഡി സംവിധാനം ചെയ്ത ‘പ്രേമലു’ ഒരു റൊമാന്റിക് കോമഡി ചിത്രമാണ് , നസ്ലെന്‍ കെ ഗഫൂറും ബൈജുമാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. സംഗീത് പ്രതാപ്, ശ്യാം മോഹന്‍, മീനാക്ഷി രവീന്ദ്രന്‍, അഖില ഭാര്‍ഗവന്‍, അല്‍ത്താഫ് സലിം എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു. മാത്യു തോമസും ചിത്രത്തില്‍ ഒരു വലിയ കഥാപാത്രത്തെ അവതരിപ്പിച്ചു. ഫഹദ് ഫാസില്‍, ദിലീഷ് പോത്തന്‍, ശ്യാം പുഷ്‌കരന്‍ എന്നിവര്‍ ചേര്‍ന്നാണ് ‘പ്രേമലു’ നിര്‍മ്മിച്ചത്. ഛായാഗ്രാഹകന്‍ അജ്മല്‍ സാബു, എഡിറ്റര്‍ ആകാശ് ജോസഫ് വര്‍ഗീസ്, സംഗീതസംവിധായകന്‍ വിഷ്ണു വിജയ് എന്നിവരാണ് സാങ്കേതിക സംഘം.