കോട്ടയം തിരുവാതുക്കലിൽ വീട്ടുമുറ്റത്തുനിന്നു വലിയ മൂർഖനെയും 47 മൂർഖൻ കുഞ്ഞുങ്ങളെയും പിടികൂടി. ഞായറാഴ്ച രാവിലെയാണ് കോട്ടയം വേളൂർ കൃഷ്ണ ഗീതത്തിൽ രാധാകൃഷ്ണൻ നായരുടെ വീട്ടുമുറ്റത്തു പാമ്പിൻ മുട്ട കണ്ടത്. തുടർന്ന് വിവരം വനം വകുപ്പിന്റെ സ്നേക് റസ്ക്യൂ ടീമിനെ അറിയിച്ചു. സംഘം സ്ഥലത്തെത്തി പരിശോധിച്ചപ്പോഴാണ് മൂർഖനെയും 47 പാമ്പിൻ കുഞ്ഞുങ്ങളെയും കണ്ടത്തിയത്. സ്നേക് റസ്ക്യൂ ടീം അംഗങ്ങളായ കെ.എ അഭീഷ്, കെ.എസ് പ്രശോഭ് എന്നിവർ ചേർന്ന് പാമ്പുകളെ കൂട്ടിലാക്കുകയായിരുന്നു.