സംസ്ഥാനത്താകെ മഴ ഇടവിട്ട് പെയ്യുന്നതിനാൽ ഡെങ്കിപ്പനിക്ക് കാരണമാകുന്ന ഈഡിസ് കൊതുകുകൾ മുട്ടയിട്ട് പെരുകാനുള്ള സാധ്യത കൂടുതലാണ്. ഈ സാഹചര്യത്തിൽ ഡെങ്കി പനി വരാതിരിക്കാൻ കനത്ത ജാഗ്രത അത്യാവശ്യമാണന്ന് ആരോഗ്യ വിദഗ്ധർ.
ഡെങ്കിപ്പനി പ്രതിരോധിക്കാൻ ഏറ്റവും ഫലപ്രദമായ മാർഗ്ഗം വെള്ളം കെട്ടി നിന്ന് ഈഡിസ് കൊതുക് പെരുകാനുള്ള സാഹചര്യം ഇല്ലാതാക്കുക(ഡ്രൈ ഡേ ആചരണം) എന്നതു തന്നെയാണ്.
വീടിനകത്ത് ശ്രദ്ധിക്കാം
- ഫ്രിഡ്ജിൻെറ പുറകിലെ ട്രെ
- ചെടിച്ചട്ടിയുടെ അടിയിൽ വച്ചിരിക്കുന്ന പാത്രങ്ങൾ
- വെള്ളത്തിൽ വളർത്തുന്ന അലങ്കാര ചെടി പാത്രങ്ങൾ
- ഉപയോഗിക്കാത്ത ക്ലോസെറ്റ്
- മുഷിഞ്ഞ വസ്ത്രങ്ങൾ
വീടിനു പുറത്ത്:
- ഉപയോഗ ശൂന്യമായ പാത്രം, ചിരട്ട, കുപ്പി, ടയർ , ആട്ടുകല്ല് , ഉരൽ ,ക്ലോസറ്റുകൾ വാഷ്ബേസിനുകൾ തുടങ്ങിയവ അലക്ഷ്യമായി ഇടാതെ വെള്ളം വീഴാത്ത വിധത്തിൽ സൂക്ഷിക്കുക
- ടെറസ്സ്, സൺഷേഡ്, റൂഫിന്റെ പാത്തി തുടങ്ങിയവയിൽ വെള്ളം കെട്ടി നിൽക്കാതെ സൂക്ഷിക്കുക
- വെള്ളം ശേഖരിക്കുന്ന പാത്രങ്ങളും, ടാങ്കുകളും മൂടി സൂക്ഷിക്കുക
തോട്ടങ്ങളിൽ നല്ല ശ്രദ്ധ അത്യാവശ്യം:
- വെള്ളം കെട്ടി നിൽക്കുന്ന സാഹചര്യമില്ലെന്ന് ഉടമകൾ തന്നെ ഉറപ്പാക്കിയേ മതിയാകു
പൊതുയിടങ്ങൾ:
- പാഴ് വസ്തുക്കൾ വലിച്ചെറിയരുത്.
- ഈഡിസ് കൊതുകുകൾ വളരാനുള്ള സാഹചര്യം ശ്രദ്ധയിൽപ്പെട്ടാൽ തദ്ദേശസ്വയംഭരണ വകുപ്പിനെയോ ആരോഗ്യ വകുപ്പിനെയോ വിവരം അറിയിക്കുക
കൊതുകു കടി ഏല്ക്കാതിരിക്കാന് ശ്രദ്ധ:
- കൊതുകിനെ അകറ്റുന്ന ലേപനങ്ങള് ഉപയോഗിക്കാം.
- ശരീരം മൂടുന്ന വിധത്തിൽ ഇളം നിറത്തിലുള്ള വസ്ത്രങ്ങള് ധരിക്കാം.
- ജനൽ, വാതിൽ എന്നിവിടങ്ങളിലൂടെ കൊതുക് കടക്കാതെ കൊതുകു വല ഘടിപ്പിക്കാം .
- പകല് ഉറങ്ങുമ്പോഴും കൊതുകുവല ഉപയോഗിക്കാം.
ഓർക്കുക – നമ്മുടെ ആരോഗ്യം നമ്മുടെ കൂടി ഉത്തരവാദിത്തമാണ്