സംസ്ഥാനത്ത് കൊടും ചൂടും ഉയര്ന്ന താപനിലയും ബുധനാഴ്ച വരെ തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പുണ്ട്. പത്തു ജില്ലകളില് യെല്ലോ അലര്ട്ടും പുറപ്പെടുവിച്ചു. സാധാരണയെക്കാള് രണ്ടു മുതല് നാലു ഡിഗ്രി സെല്ഷ്യസ് വരെ ചൂടു കൂടാമെന്നാണ് മുന്നറിയിപ്പ്.പാലക്കാട്, കൊല്ലം ജില്ലകളില് ഉയര്ന്ന താപനില 39 ഡിഗ്രി സെല്ഷ്യസ് വരെയും ആലപ്പുഴ, കോഴിക്കോട് ജില്ലകളില് ഉയര്ന്ന താപനില 38 ഡിഗ്രി സെല്ഷ്യസ് വരെയും ഉയര്ന്നേക്കും.
കോട്ടയം, പത്തനംതിട്ട, തൃശൂര് ജില്ലകളില് ഉയര്ന്ന താപനില 37 ഡിഗ്രി സെല്ഷ്യസ് വരെയും തിരുവനന്തപുരം, എറണാകുളം, കണ്ണൂര് ജില്ലകളില് ഉയര്ന്ന താപനില 36 ഡിഗ്രി സെല്ഷ്യസ് വരെയും ഉയരാന് സാധ്യതയെന്നും അറിയിപ്പിൽ പറയുന്നു.ഉയര്ന്ന താപനിലയും ഈര്പ്പമുള്ള വായുവും മൂലം ഈ ജില്ലകളില് ( മലയോര മേഖലകളിലൊഴികെ) 2024 മാര്ച്ച് 20 വരെ ചൂടും അസ്വസ്ഥതയുളവാക്കുന്ന കാലാവസ്ഥയുമായിരിക്കും.