സംസ്ഥാനത്ത് കൊടും ചൂട് തുടരും. താപനില ഉയരുന്നതിനാല് സംസ്ഥാനത്ത് ഇന്ന് 10 ജില്ലകളില് യെല്ലോ അലര്ട്ട് പ്രഖ്യാപിച്ചു. പാലക്കാട്, കൊല്ലം, കോട്ടയം, പത്തനംതിട്ട, ആലപ്പുഴ, എറണാകുളം, തൃശൂര്, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് മുന്നറിയിപ്പ്. സാധാരണയെക്കാള് രണ്ടു മുതല് നാലു ഡ്രിഗ്രി സെല്ഷ്യസ് വരെ ചൂടു കൂടിയേക്കുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പുണ്ട്.പാലക്കാട് ജില്ലയില് ഉയര്ന്ന താപനില 39 ഡിഗ്രി സെല്ഷ്യസ് വരെയാകുമെന്നാണ് മുന്നറിയിപ്പ്.
കൊല്ലം ജില്ലയില് ഉയര്ന്ന താപനില 38 ഡിഗ്രി സെല്ഷ്യസ് വരെയും, കോട്ടയം, പത്തനംതിട്ട ജില്ലകളില് ഉയര്ന്ന താപനില 37 ഡിഗ്രി സെല്ഷ്യസ് വരെയും കൂടിയേക്കും.ആലപ്പുഴ, എറണാകുളം, തൃശൂര്, കോഴിക്കോട്, കണ്ണൂര്, കാസറഗോഡ് ജില്ലകളില് ഉയര്ന്ന താപനില 36 ഡിഗ്രി സെല്ഷ്യസ് വരെയും ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഉയര്ന്ന താപനിലയും ഈര്പ്പമുള്ള വായുവും മൂലം ഈ ജില്ലകളില്, ചൂടും അസ്വസ്ഥതയുള്ള കാലാവസ്ഥയ്ക്കും സാധ്യതയുണ്ട്.