ഹയർ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷകൾക്ക് ഇന്നു തുടക്കമാകും. 4,14,159 വിദ്യാർഥികൾ ഒന്നാം വർഷ പരീക്ഷയും 4,41,213 വിദ്യാർഥികൾ രണ്ടാം വർഷ പരീക്ഷയും എഴുതുന്നുണ്ട്. 2017 പരീക്ഷ കേന്ദ്രങ്ങൾ ഇതിനായി സജ്ജമാക്കിയിട്ടുണ്ട്. ഇന്നു മുതൽ 26 വരെ ഒൻപതു ദിവസങ്ങളിലായാണ് പരീക്ഷകൾ നടക്കുന്നത്.
ഗൾഫ്, ലക്ഷദ്വീപ്, മാഹി എന്നിവിടങ്ങളിലും പരീക്ഷ കേന്ദ്രങ്ങൾ ഒരുക്കിയിട്ടുണ്ട്. രാവിലെ 9.30ന് പരീക്ഷ തുടങ്ങും. ഒരുക്കങ്ങളെല്ലാം നന്നായി പൂർത്തീകരിച്ചതായി പൊതുവിദ്യാഭ്യാസ വകുപ്പ് അറിയിച്ചു. ഏപ്രിൽ ഒന്നു മുതലാകും മൂല്യനിർണയം. മൂല്യനിർണയം നടത്താനായി 52 സിംഗിൾ വാല്വേഷൻ ക്യാമ്പും 25 ഡബിൾ വാല്വേഷൻ ക്യാമ്പും ഉൾപ്പെടെ ആകെ 77 കേന്ദ്രീകൃത മൂല്യ നിർണയ ക്യാമ്പുകളാണ് സജ്ജമാക്കിയിരിക്കുന്നത്.
ഉത്തരപ്പേപ്പർ അച്ചടിയിലുണ്ടായ താമസം ഇതിനോടകം പരിഹരിച്ചിട്ടുണ്ട്. വിദ്യാർഥികൾക്ക് ആവശ്യമായ മെയിൻ ഷീറ്റ്, അഡീഷണൽ ഷീറ്റ് എന്നിവ സ്കൂളുകളിൽ പരീക്ഷാ ഭവന്റെ നേതൃത്വത്തിൽ വിതരണം പൂർത്തിയാക്കി.