പൊലീസ് വാഹനമിടിച്ച് മൂന്ന് പേർക്ക് ഗുരുതര പരുക്ക്

ബത്തേരിയിൽ പൊലീസ് വാഹനമിടിച്ച് സ്‌കൂട്ടറിൽ സഞ്ചരിച്ചിരുന്ന മൂന്ന് പേർക്കു ഗുരുതര പരുക്ക്. മലപ്പുറം വാഴക്കാട് പുൽപ്പറമ്പിൽ ജാസിദ് (33), ഭാര്യ ഷാഹിന ( 30) മകൻ ജുവാൻ (3) എന്നിവർക്കാണ് പരുക്കേറ്റത്. ഇന്ന് വൈകീട്ട് സുൽത്താൻ ബത്തേരി അസംപ്ഷൻ ജംക്‌ഷനിലാണ് അപകടം നടന്നത്. പൊലീസ് ബാരിക്കേഡുകൾ കൊണ്ടുപോകാനായി. ബാരിക്കേഡുകൾ കൊണ്ടുപോകാനായി എആർ ക്യാംപിൽനിന്നെത്തിയ ടെംപോ വാഹനം തട്ടിയാണ് അപകടമുണ്ടായത്. അപകടത്തെ തുടർന്ന് വാഹനത്തിലെ ഡ്രൈവറടക്കം ഇറങ്ങിയോടി. ഇവർക്കായി പൊലീസ് അന്വേഷണം ആരംഭിച്ചു.