പിടികിട്ടാപ്പുള്ളി സുകുമാരക്കുറുപ്പിന്റെ ആലപ്പുഴയിലെ ബംഗ്ലാവ് സര്ക്കാര് ഏറ്റെടുക്കണമെന്ന് പഞ്ചായത്ത്. വാടകക്കെട്ടിടത്തിൽ കഴിയുന്ന വില്ലേജ് ഓഫീസിനായി ബംഗ്ളാവ് ഏറ്റെടുത്ത് കൈമാറണം എന്നാവശ്യപ്പെട്ട് അമ്പലപ്പുഴ വടക്ക് ഗ്രാമപഞ്ചായത്ത് സര്ക്കാരിന് കത്ത് നല്കി.ഇതിനായി നവകേരള സദസ്സിൽ വെച്ച് അപേക്ഷ നല്കുകയും ചെയ്തു. 40 കൊല്ലം മുൻപ് ഈ ബംഗ്ലാവിന്റെ നിര്മാണത്തിന് പണം കണ്ടെത്താനായിരുന്നു ചാക്കോയെ ,കാറിലിട്ട് ചുട്ടെരിച്ച് കൊന്നത്.
ആലപ്പുഴ മെഡിക്കല് കോളേജിന് എതിര്വശം 150 മീറ്റര് ദൂരം പോയാല് പ്രേതാലയം പോലെ കിടക്കുന്ന കെട്ടിടമാണിത്. 40 വര്ഷമായി ഉപയോഗ ശൂന്യമായി കിടക്കുകയാണ് ഈ കെട്ടിടം.