സർ എഡ്മണ്ട് പെർസിവൽ ഹിലാരി (20 ജൂലൈ 1919 – 11 ജനുവരി 2008). ഒരു ന്യൂസിലാന്റ് പർവതാരോഹകനും പര്യവേക്ഷകനും മനുഷ്യ സ്നേഹിയുമായിരുന്നു. 1953 മെയ് 29 ന് ഹിലാരിയും ഷെർപ്പ പർവതാരോഹകനായ ടെൻസിങ് നോർഗെയും എവറസ്റ്റ് കൊടുമുടിയിൽ എത്തിയതായി സ്ഥിരീകരിച്ച ആദ്യത്തെ പർവതാരോഹകരായി . ജോൺ ഹണ്ടിന്റെ നേതൃത്വത്തിൽ എവറസ്റ്റിലേക്കുള്ള ഒൻപതാമത്തെ ബ്രിട്ടീഷ് പര്യവേഷണത്തിന്റെ ഭാഗമായിരുന്നു അവർ .
1985 മുതൽ 1988 വരെ അദ്ദേഹം ഇന്ത്യയിലും ബംഗ്ലാദേശിലും ന്യൂസിലൻഡിന്റെ ഹൈക്കമ്മീഷണറായും നേപ്പാളിലെ അംബാസഡറായും സേവനമനുഷ്ഠിച്ചു. സെക്കൻഡറി സ്കൂളിൽ പഠിക്കുമ്പോഴാണ് ഹിലാരി പർവതാരോഹണത്തിൽ താൽപര്യം പ്രകടിപ്പിക്കുന്നത്. 1939-ൽ അദ്ദേഹം തന്റെ ആദ്യത്തെ വലിയ മലകയറ്റം നടത്തി. ഒലിവിയർ പർവതത്തിന്റെ കൊടുമുടിയിലെത്തി .
രണ്ടാം ലോകമഹായുദ്ധസമയത്ത് റോയൽ ന്യൂസിലാൻഡ് എയർഫോഴ്സിൽ നാവിഗേറ്ററായി സേവനമനുഷ്ഠിച്ച അദ്ദേഹത്തിന് ഒരു അപകടത്തിൽ പരിക്കേറ്റു .എവറസ്റ്റ് പര്യവേഷണത്തിന് മുമ്പ്, 1951 ൽ പർവതങ്ങളിലേയ്ക്കുള്ള ബ്രിട്ടീഷ് രഹസ്യാന്വേഷണ പര്യവേഷണത്തിന്റെ ഭാഗമായിരുന്നു ഹിലാരി . അതുപോലെ തന്നെ 1952 ൽ ചോ ഓയു കൊടുമുടി കയറാനുള്ള ഒരു ശ്രമവും പരാജയപ്പെട്ടു കോമൺവെൽത്ത് ട്രാൻസ്-അന്റാർട്ടിക് പര്യവേഷണത്തിന്റെ ഭാഗമായി 1958-ൽ അദ്ദേഹം ദക്ഷിണധ്രുവത്തിൽ എത്തി , തുടർന്ന് ഉത്തരധ്രുവത്തിലും .
ഇരു ധ്രുവങ്ങളും എവറസ്റ്റും കീഴടക്കുന്ന ആദ്യ വ്യക്തിയായി. ഇരുപതാം നൂറ്റാണ്ടിലെ ഏറ്റവും സ്വാധീനമുള്ള 100 വ്യക്തികളിൽ ഒരാളായി അദ്ദേഹം തിരഞ്ഞെടുക്കപ്പെട്ടിട്ടുണ്ട് . 1960 മുതൽ ഹിലാരി താൻ സ്ഥാപിച്ച ഹിമാലയൻ ട്രസ്റ്റ് വഴി നേപ്പാളിലെ ഷെർപ്പ ജനതയെ സഹായിക്കാൻ സ്വയം സമർപ്പിച്ചു. നേപ്പാളിൽ നിരവധി സ്കൂളുകളുടെയും ആശുപത്രികളുടെയും നിർമ്മാണത്തിലുള്ള അദ്ദേഹത്തിന്റെ പ്രയത്നം പ്രശംസനീയമാണ്. 1995 – ൽ ഓർഡർ ഓഫ് ദി ഗാർട്ടർ ഉൾപ്പെടെ നിരവധി ബഹുമതികൾ ഹിലാരിക്ക് നൽകിയിരുന്നു .