കുടുംബ സ്ത്രീയും കുഞ്ഞാടും,ഇൻഡി ഫിലിംസിൻ്റെ ബാനറിൽ ബെന്നി പീറ്റേഴ്സ് നിർമ്മിക്കന്ന ഈ ചിത്രം മഹേഷ്.പി.ശ്രീനിവാസൻ കഥയെഴുതി സംവിധാനം ചെയ്യുന്നു. ചിത്രീകരണം കോട്ടയത്ത് ആരംഭിച്ചു. തുരുത്തി മന്ദിരം കവലയിലായിരുന്നു ചിത്രീകരണത്തിനു തുടക്കമിട്ടത്. ധ്യാൻ ശ്രീനിവാസൻ,ജാഫർ ഇടുക്കി,അജയ്(ഗിന്നസ് പക്രു)എന്നിവർ പങ്കെടുക്കുന്ന രംഗo ചിത്രീകരിച്ചാണ് തുടക്കമിട്ടത്.
ഏതു സ്ഥലത്തു ചുമതലയേറ്റാലും ആ സ്റ്റേഷൻ പരിസരത്ത് മോഷണ പരമ്പരകൾ അരങ്ങേറുകയും എത്ര ശ്രമിച്ചിട്ടും ഈ മോഷണ പരമ്പരക്കു തുമ്പുണ്ടാക്കാൻ കഴിയാതെ സംഘർഷമനുഭവിക്കേണ്ടി വരുന്ന ഒരു പൊലീസുദ്യോഗസ്ഥൻ്റെ കഥയാണ് ഈ ചിത്രം പറയുന്നത്. എന്നാൽ മറുവശത്ത് സുന്ദരിയായ ഭാര്യയിലുണ്ടാകുന്ന സംശയരോഗം ഒരു പ്രവാസിയുടെ ജീവിതത്തിൽ ഉളവാക്കുന്ന പ്രശ്നങ്ങളും ചിത്രം പറയുന്നുണ്ട്.
അന്നാ രേഷ്മ രാജനും(ലച്ചി)സ്നേഹാ ബാബുവുമാണ് ഈ ചിത്രത്തിലെ നായികമാർ.
കലാഭവൻ ഷാജോൺ,സലിം കുമാർ,മണിയൻ പിള്ള രാജു,സാജു നവോദയ(പാഷാണം ഷാജി ),ജയകൃഷ്ണൻ, എന്നിവരാണ് ഈ ചിത്രത്തിൽ പ്രധാന വേഷങ്ങളിലെത്തുന്നത്.
തിരക്കഥ -സംഭാഷണം -ശ്രീകുമാർ അറയ്ക്കൽ.
ഗാനങ്ങൾ – സിജിൽ കൊടുങ്ങല്ലൂർ – മണികണ്ഠൻ ‘
സംഗീതം – മണികണ്ഠൻ- ശ്രീജു ശ്രീധർ –
കലാസംവിധാനം – രാധാകൃഷ്ന്നൻ.
