രക്തത്തിലെ ചീത്ത കൊളസ്ട്രോള് ആണ് ഇന്നു പലരുടെയും വില്ലന്. കൊഴുപ്പ് കൂടിയ ഭക്ഷണം,വ്യായാമമില്ലായ്മ,പുകവലി, മദ്യപാനം തുടങ്ങിയവയൊക്കെയാണ് കൊളസ്ട്രോള് കൂടാന് കാരണം.ഭക്ഷണരീതിയില് കൃത്യമായ നിയന്ത്രണം കൊണ്ടുവന്നാല് കൊളസ്ട്രോളിനെ നിയന്ത്രിക്കാന് കഴിയും.ഒപ്പം പതിവായി വ്യായാമം ചെയ്യണം.പിന്നെ പുകവലി,മദ്യപാനം തുടങ്ങിയവ കുറയ്ക്കുകയും ആരോഗ്യകരമായ ശരീരഭാരം നിലനിര്ത്തുകയും ചെയ്താൽ കൊളസ്ട്രോൾ നിയന്ത്രിക്കാം.
ചീത്ത കൊളസ്ട്രോള് കുറയ്ക്കാന് പതിവായി കഴിക്കേണ്ട ചില ആഹാര പദാർത്ഥങ്ങൾ ഓർത്തുവയ്ക്കാം.
ചീരയാണ് ഒന്നാമതായി ഈ പട്ടികയില് ഉള്പ്പെടുന്നത്.ശരീരത്തിലെ കൊഴുപ്പ് കുറയ്ക്കാന് സഹായിക്കുന്ന ഒരു പച്ചക്കറിയാണ് ചീര. വൈറ്റമിൻ ബി, മഗ്നീഷ്യം, വൈറ്റമിന് ഇ എന്നിവയുടെ കലവറയാണ് ചീര. അതിനാല് ചീര ഡയറ്റില് ഉള്പ്പെടുത്തുന്നത് കൊളസ്ട്രോള് കുറയ്ക്കാന് സഹായിക്കും.
ക്യാരറ്റ് ആണ് അടുത്തതായി ഈ പട്ടികയില് ഉള്പ്പെടുന്നത്.നാരുകളും ബീറ്റാ കരോട്ടിനും ധാരാളം അടങ്ങിയ ക്യാരറ്റ് ചീത്ത കൊളസ്ട്രോളിനെ ശരീരത്തിൽ നിന്ന് നീക്കം ചെയ്യാന് സഹായിക്കും.
ബീറ്റ്റൂട്ടാണ് അടുത്തതായി ഈ പട്ടികയില് ഉള്പ്പെടുന്നത്. വൈറ്റമിനുകളും ധാതുക്കളും ആന്റി ഓക്സിഡന്റുകളും നാരുകളും ധാരാളമായി അടങ്ങിയിരിക്കുന്ന ഇവയും കൊളസ്ട്രോള് കുറയ്ക്കാന് സഹായിക്കും.
ആപ്പിളാണ് അടുത്തതായി ഈ പട്ടികയില് ഉള്പ്പെടുന്നത്.ആപ്പിളിൽ കാണപ്പെടുന്ന പോളിഫെനോൾസ് എന്ന സംയുക്തം കൊളസ്ട്രോളിനെ കുറയ്ക്കാന് സഹായിക്കും.
ബെറി പഴങ്ങള് ആണ് അടുത്തതായി ഈ പട്ടികയില് ഉള്പ്പെടുന്നത്.ബ്ലൂബെറി,സ്ട്രോബെറി, റാസ്ബെറി തുടങ്ങിയ ബെറിപ്പഴങ്ങൾ ഉയര്ന്ന കൊളസ്ട്രോൾ നില കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കും.
അവക്കാഡോ ആണ് അടുത്തതായി ഈ പട്ടികയില് ഉള്പ്പെടുന്നത്.ആന്റി ഓക്സിഡന്റുകളും വൈറ്റമിനുകളായ കെ,സി,ബി എന്നിവയും അടങ്ങിയതാണ് അവക്കാഡോ അഥവാ വെണ്ണപ്പഴം. കൊളസ്ട്രോൾ കുറയ്ക്കാന് ദിവസവും ഒരു അവക്കാഡോ പഴം കഴിക്കുന്നത് നല്ലതാണെന്നാണ് ഇതു സംബന്ധിച്ച പഠനങ്ങള് പറയുന്നത്.
നാരങ്ങ,ഓറഞ്ച്,മുന്തിരി പോലുള്ള സിട്രസ് പഴങ്ങളെല്ലാം കൊളസ്ട്രോള് തോത് നിയന്ത്രിക്കുന്നവയാണ്.അതിനാല് ഇവയുടെ ജ്യൂസുകളും ചീത്ത കൊളസ്ട്രോള് കുറയ്ക്കാന് സഹായിക്കും.ഇവയില് അടങ്ങിയിരിക്കുന്ന പെക്ടിന് ഫൈബറും ലിമോനോയ്ഡ് സംയുക്തങ്ങളും രക്തധമനികള് കട്ടിയാകുന്നത് തടഞ്ഞ് രക്തത്തിലെ എൽ ഡി എല് തോതു കുറച്ച് കൊണ്ടു വരുന്നു.